Солтүстік Қазақстан облысының әкімі Құмар Ақсақалов әкімдік отырысын өткізді. Отырыста ол ұсынған аймақтағы құрылыс жұмыстарының алгоритмі қарастырылды, деп хабарлайды “Қазақпарат” ақпараттық ресурсы.
Отырыс құрылыс компаниялары басшыларының қатысуымен өтті. Оларға негізгі шартқа құрылысшылардың қызметін реттейтін қосымша құжат әзірленетінін айтылды.
Ақсақаловтың айтуынша, Солтүстік Қазақстан үлкен құрылыс алаңына айналады, құрылыс жоспары, шынында да, өте үлкен. Сондықтан жұмыстар сапалы және мерзімінде орындалуы үшін тұрақты негізде бақылау қажет болады.
“Жай ғана нысандар жинап алып, алғытөлем алып, қосалқы мердігерлерге беріп қою – бұған біз жол бермейміз. Бірден ескертемін. Шартта біз оны көрсетеміз. Мен мұндай әрекеттерді тоқтататын типтік шартқа қосымша келісім шартын әзірлеуді арнайы өтіндім”, – деді аймақ басшысы.
Облыс әкімі апта сайын барлық құрылыс жұмыстарын тексеріп отыратын арнайы топ құрылатын болады деп түсіндірді. Егер кестеден ауытқу немесе жұмыстарды тиісінше орындамау фактілері анықталса – бұл компаниямен шартты бұзуға себеп болады.
Құмар Ақсақалов құрылысқа 90%-дан кем емес қазақстандық өндірістің құрылыс материалдарын пайдалану қажеттігін ерекше атап өтті.
Сурет: 1news.zp.ua
