Еңбек ресурстарын дамыту орталығында соңғы 17 күн ішінде Қазақстан Республикасында жұмыс іздеген 59 мың адам тіркелгенін хабарлады. Бұл туралы “ҚазТАГ” жаңалықтар ресурсы хабарлайды.
Орталықта жұмыссыздарды тіркеу белсенділігінің жоғары деңгейі еліміздің барлық кәсіпорындары ағымдағы жылдың 11 мамырынан бастап Қазақстанда әрекет етуін тоқтатқан төтенше жағдай режимінен кейін, өз қызметін қалпына келтіруге үлгермегеніне байланысты болуы мүмкін деп есептейді.
Жұмыссыздардың тіркелуінің ең үлкен көрсеткіші Алматыда – 19,8 мың адам. Оңтүстік астанадан кейін Түркістан облысы – 13,4 мың адам.
Айтарлықтай жоғары көрсеткіштер Алматы облысында – 12,7 мың адам және 10,9 мың адам – Жамбыл облысында байқалады.
Коронавирус инфекциясынан біліктілігі төмен қызметкерлер, атап айтқанда жүк тиеушілер, жинап тазалаушылар, сатушылар, ас үй қызметкерлері мен даяшылар зардап шекті.
Еңбек ресурстарын дамыту орталығында ағымдағы жылдың бес жарым айында Қазақстанда жұмыс іздеген 206 мыңнан астам адам тіркелген.
Сурет: gx.net.ua
