Словенияның бұрынғы президенті Данило Тюрк Astana Club саяси форумының бесінші мерейтойлық отырысына байланысты брифингте сөз сөйлеп, біздің республикамыздың даулы мәселелерді реттеудегі орасан зор тәжірибесін атап өтті.
Словенияның экс-президентінің айтуынша, бүгінгі таңда әлемде елдердің бір-біріне деген сенімі нашарлауда. Сондықтан Astana Club форумындай диалогтық алаңдарды ұйымдастыру өте маңызды.
«Біз Нұр-Сұлтанда кездестік. Қазақстанның ядролық қарудан азат жаңа аймақтар құруға бағытталған үдерістерге бастамашылық үлкен тәжірибесі бар. Екінші жағынан, Қазақстанның тағы бір бастамасы бар,ол Сирия бастамасы-Астана процесі. Мұнда өңірлік деңгейде де құрылымдар құрылып жатады. Қазақстан осындай процесттердің бастаушысы болып табылады», — деді Данило Тюрк.
Сондай-ақ, Словенияның бұрынғы президенті Astana Club форумының отырыстарына үшінші рет қатысып отырғанын және форум алаңында өзекті мәселелер қызықты талқыланып жатқанын айтты.
«Мұнда біз түрлі тәжірибесі бар өкілдермен кездесіп, қауіпсіздік пен халықаралық ынтымақтастық бойынша негізгі мәселелерді талқылай аламыз. Іс жүзінде мұндай іс-шаралар көп емес», — деп атап өтті Словенияның экс-басшысы.
