13 сәуірде ҚР премьер-Министрінің орынбасары Роман Скляр, Төтенше жағдайлар министрі Юрий Ильин, Ақмола облысының әкімі Ермек Маржықпаев және экология, геология және табиғи ресурстар вице-министрі Серік Қожаниязов су тасқыны жағдайына мониторинг жүргізу мақсатында елорданың шекаралас аудандарын аралап шықты, деп zakon.kz хабарлайды.
Ұшу барысында 42-разъезд, Қажымұқан, Қоянды, Талапкер, Қараөткел, Жібек Жолы, Қосшы, Тайтөбе, Қызылжар елді мекендерінің аумақтарын аэровизуалды тексеру жүргізілді. Астана су қоймасының жағдайы, Нұр-сұлтанды Есіл өзенінің тасқын суынан қорғау кешені, сондай-ақ Нұра өзенінің арнасы бойынша Преображенск гидроторабы зерттелді.
Көзбен шолу қар еру процесі судың төгілуінсіз тұрақты жүріп жатқанын көрсетті. Жерден де, спутник арқылы қашықтықтан зондтау арқылы да тәулік бойы мониторинг жалғасуда.
Жалпы, Ақмола, Қарағанды, Қостанай, Шығыс Қазақстан және Солтүстік Қазақстан облыстарының жекелеген учаскелерінде сең жүру процесі басталды.
Ақмола, Шығыс Қазақстан, Қарағанды, Қостанай және Солтүстік Қазақстан облыстарының өзендері мен көлдерінде кептелістердің алдын алу үшін мұзды қопсыту бойынша жарылыс жұмыстары жүргізілуде.
Ақмола, Шығыс Қазақстан, Қостанай және Солтүстік Қазақстан облыстарындағы су қоймаларында қажетті бос көлемдерді құру жалғасуда.
