Қазақстан Әскери сотында біздің республикамыздың Әскери-теңіз күштерінің бұрынғы Бас қолбасшысы Жандарбек Жанзақовтың үкіміне түсініктеме берілді. Бұл туралы tengrinews.kz ақпарат агенттігі хабарлады.
Ағымдағы жылдың 18 мамырында Ақмола гарнизоны әскери сотының шешімімен бұрынғы қазақстандық адмирал қызмет бабын асыра пайдаланғаны үшін кінәлі деп танылып, 6 жыл мерзімге түрмеге қамау түрінде жаза алды.
Сонымен қатар, сот Жанзақовты вице-адмирал атағынан, Республиканың мемлекеттік және құқық қорғау органдарында қызмет атқару құқығынан айырды.
Кейін оның қорғаушысы Әсел Тоқаева Жандарбек Жанзақов шығарылған үкіммен келіспейтіндігін және наразылық ретінде құрғақ аштық жариялағанын хабарлады.
Нәтижесінде әлеуметтік желілерді пайдаланушылар осы мәселе бойынша өз пікірлерін білдіре бастады. Олардың кейбіреулері бұрынғы адмиралға үкім әділетсіз екенін жазды.
Әскери сот, өз кезегінде, сот шешімімен келіспеушілік білдіру және оған шағымдану БАҚ және әлеуметтік желілер арқылы емес, заңмен белгіленген тәртіпке сәйкес жүргізілуге тиіс екенін мәлімдеді.
Сурет: inbusiness.kz
