Бас Прокурордың бұйрығымен әскери прокуратура органдарында жаңа кадрлық тағайындаулар болды. Бұл туралы ведомствоның баспасөз қызметі хабарлады.
Талдықорған гарнизонының әскери прокуроры лауазымына әділет майоры Жәнібек Әсетұлы Бақаев тағайындалды. Алматы заң академиясында оқыды. 2007 жылдан бастап прокурорлық салада жұмыс істейді. Өз қызметін прокурор көмекшісі лауазымынан бастаған. Сондай-ақ, Павлодар көлік прокурорының көмекшісі, Алматы қаласы Медеу ауданы прокурорының аға көмекшісі қызметтерін атқарды. Тағайындалғанға дейін бас әскери прокурордың аға көмекшісі болып жұмыс істеді. Прокуратурадағы жұмыс өтілі 10 жылдан асады.
Жаңа тағайындау Приозерск гарнизонында да болды. Әскери прокурор лауазымына әділет подполковнигі Айдар Қуанышбекұлы Сламбеков тағайындалды. Ол Талдықорған облысы Киров ауданында дүниеге келген. Жоғары білімді І. Жансүгіров атындағы Талдықорған мемлекеттік университетінде алды. Сондай-ақ Д. А. Қонаев атындағы Қазақ гуманитарлық университетін бітірген. Прокуратурада 2005 жылдан бастап жұмыс істей бастады. Соңғы тағайындалғанға дейін Сарыөзек гарнизонының әскери прокуроры болды. Прокуратура органдарындағы жалпы еңбек өтілі 13 жылдан асады.
Сарыөзек гарнизонының әскери прокуроры лауазымына әділет подполковнигі Сыбанбаев Есжан Арипұлы – Алматы қаласының тумасы болып тағайындалды. Жоғары білімді Д. А. Қонаев атындағы Қазақ гуманитарлық институтында “Құқықтану”мамандығы бойынша алған. Оның еңбек жолы 2004 жылы Алматы гарнизоны әскери прокурорының көмекшісі лауазымынан басталды. 2017 жылдан Талдықорған гарнизонының әскери прокуроры қызметін атқарды. Прокуратурадағы жалпы жұмыс өтілі 14 жылдан асады.
Қостанай гарнизонында жаңа тағайындау. Онда әскери прокурор әділет подполковнигі Арман Тұрғанбайұлы Ерназаров тағайындалды.Ол Алматы қаласында туған. Қазақ мемлекеттік заң академиясында “Құқықтану”мамандығы бойынша жоғары білім алған. 2002 жылдан бастап Қарулы Күштердің әскери полиция органдарында анықтаушы болып жұмыс істеді. 2008 жылдан бастап прокуратура органдарында жұмыс істейді. 2018 жылдан бастап Приозерск гарнизонының прокуроры болды. Прокуратура органдарында жалпы жұмыс өтілі-10 жылдан астам.
