Қазақстанда республикамыздың Әскери-теңіз күштерінің әскери қызметкерлері үшін арнайы-тактикалық оқу-жаттығулар өтті. Бұл туралы Қазақстан Қорғаныс ведомствосының баспасөз қызметі хабарлады.
Қорғаныс министрлігінің ақпараты бойынша, Қазақстан Әскери-теңіз күштерінің арнайы мақсаттағы бөлімшелері үшін оқу-жаттығу шаралары үш кезеңде өтті.
Бірінші кезеңде мемлекетіміздің әскери-теңіз күштерінің құрамалары мен бөлімдерін жауынгерлік әзірліктің жоғары деңгейіне келтіру мәселелері пысықталды, ал екінші кезеңде әскери қызметкерлер қойылған міндеттерді орындау үшін аудандарға жіберілді.
Үшінші кезең әскери қызметкерлердің шартты жау объектілеріне барлау-жауынгерлік және диверсиялық жұмыстарды жүргізудегі кәсіби дағдыларын жетілдіруді көздеді.
Қазақстан Қорғаныс министрлігінің өкілдері Әскери-теңіз күштерінің қызметкерлері қойылған барлық міндеттерді толық көлемде орындады деп мәлімдеді.
Сурет: Mod.gov.kz
