Алматы гарнизонында сыбайлас жемқорлыққа қарсы іс-қимыл заңнамасының орындалуын бақылау жөніндегі комиссияның отырысы өтті. Бұл туралы mail.kz жаңалықтар ресурсы жазады .
Отырыс барысында қатысушылар сыбайлас жемқорлық қылмыстарына жол бермеу мақсатында алдын алу іс-шараларын талқылады.
Сонымен қатар, комиссия сыбайлас жемқорлық көріністеріне жол берген жауапты тұлғалардың заң бұзуларын қарастырды.
Сыбайлас жемқорлық қылмыстарының алдын алу мақсатында комиссия мүшелері қазіргі уақытта шақырудың қызу кезеңі өтіп жатқан әскери оқу орындарына өздері барады деп ұйғарды.
Бұл мекемелерге Құрлық әскерлерінің әскери институты мен Радиоэлектроника және байланыс әскери-инженерлік институты жатады. Олардың қабылдау комиссияларының өкілдерімен Қазақстанның мемлекеттік қызметшілерінің Этикалық кодексі мен еліміздің «Сыбайлас жемқорлыққа қарсы іс-қимыл туралы» Заңының ережелерін түсіндіру жұмыстары жүргізіледі.
Осындай жұмыстар Б.Момышұлы атындағы «Жас ұлан» республикалық мектебінің қабылдау комиссиясының өкілдерімен де жүргізілетін болады.
