Сағадат Нұрмағамбетов атындағы Құрлық әскерлері Әскери институтының оқу орталығында үшінші курс курсанттары үшін дала сабақтары ұйымдастырылды. Олардың қорытындылары туралы институт бастығының орынбасары айтып берді.
Екі апта бойы сабақтарда 3 курс курсанттары түрлі атыс қаруларынан бақылау атыстарын орындады, онда тактикалық дайындық, атыс және техникалық дайындық бойынша дағдыларды қолданды, сонымен қатар болашақ офицерлер жауынгерлік көліктерді жүргізді.
Мұндай сабақтарды өткізу болашақ офицерлерді даярлауда маңызды элемент болып табылады. Әрбір практикалық сабақ курсанттардың жасаған әрекеттері үшін жауапкершілік сезімін тәрбиелейді. Сонымен қатар, курсанттар далалық шығуда өздерінің командалық-әдістемелік дағдыларын жетілдірді, – деп түсіндірді институт бастығының оқу және ғылыми жұмыстар жөніндегі орынбасары –басқарма бастығы полковник Айбек Ақшин.
Далалық сабақтардың бірінші күні полигонда курсанттармен далалық жағдайлардағы тіршілік әрекетінің ерекшеліктері, әрбір курсанттың қарумен жұмыс істеу кезіндегі қауіпсіздік шараларының талаптарын сақтауы бойынша нұсқама өткізілді.
Далалық сабақтар теориялық білімді бекітуге, тактикалық, атыс және әдістемелік дағдыны арттыруға, ұрысты ұйымдастыру және жүргізу кезінде дағдыларды жетілдіруге бағытталған, — деп Ақшин түйіндеді.
Сурет: zakon.kz
