Қазақстанның Қорғаныс министрлігінде биылғы жылы өтетін әскери халықаралық ойындарда еліміздің танкистері ресейлік танктерде өнер көрсететіні туралы ақпарат берді.
Ведомствоның ақпараты бойынша, Қазақстан Республикасы Қарулы Күштерінің командасы 8 шет елдің аумағында Танк биатлоны бойынша 16 байқауларға қатысады.
Ағымдағы жылы қазақстандық танкистер отандық танктерде өнер көрсетеді деп жоспарланған болатын. Бұл үшін барлық тиісті шаралар қабылданды. Бірақ жаңғырту жұмыстарын жүзеге асыратын “Семей инжиниринг” компаниясы танкілер дайындап үлгермеді.
Осыған қарамастан, біздің танкистеріміз әскери іс-шараға толығымен дайын, сондай-ақ жарыста табысты нәтиже үшін барлық күш-жігер жұмсауға ниетті.
2019 әскери халықаралық ойындары-әлемнің түрлі елдерінен келген командалар қатысатын бірегей әскери іс-шара. Биылғы жылы Әзірбайжан, Ангола, Армения, Беларусь, Венесуэла, Египет, Үндістан, Қазақстан, Қырғызстан, Қытай, Кувейт, Моңғолия, Никарагуа, Пәкістан, Ресей, Сербия және Тәжікстан қатысады.
