Қорғаныс Министрлігі әскери және медициналық мамандарды азаматтық медициналық мекемелерге көмек көрсетуге жібереді. Бұл туралы Қорғаныс министрлігінің баспасөз қызметі хабарлады.
“Қарағанды облысының Денсаулық сақтау басқармасының өтініші бойынша Қарағанды әскери лазаретінің 17 медициналық маманын бөлу туралы шешім қабылданды. Алматы облысы Алакөл ауданы әкімінің сұрауы бойынша Үшарал қаласының әскери лазаретін аудандық денсаулық сақтау басқармасына беру жоспарлануда. Оның базасында байланыстағы тұлғаларға арналған провизорлық стационар ұйымдастырылады”, – делінген Қорғаныс министрлігінің хабарламасында.
Ведомство ақпаратына сәйкес, әскери қызметшілер төтенше жағдай режимін қолдауға және коронавирусты таратуға қарсы күреске бағытталған іс-шараларға белсенді қатысады.
Қорғаныс министрі Нұрлан Ермекбаев әскерлердің жауынгерлік дайындығының қажетті деңгейін, сондай-ақ әскери қызметшілердің төтенше жағдай аясында кенеттен туындаған міндеттерді іске асыруға дайындығын қолдау қажеттігіне ерекше назар аударды.
Сурет: ru.sputniknews.kz
