Өскемен қаласында карантиндік шаралардың әрекет ету кезеңінде қала бойынша жүріп-тұру үшін рұқсатнамалар беру басталды. Бұл туралы «Қазақпарат» ақпараттық ресурсы қалалық әкімдіктің Instagram-дағы бетіне сілтеме жасай отырып хабарлайды.
Өскемен қаласының әкімі Жақсылық Омар жергілікті өзін-өзі басқару комитеттерінің (ПИК) және пәтер иелерінің бірнеше кооперативтерінің (СШК) филиалдарында болып қайтты. Онда ол рұқсаттамаларды тарату процесімен танысты. Сапар барысында қала басшысы ПИК басшыларына барынша қауіпсіз және жылдам болу үшін тарату барысын мұқият бақылап отыруды өтінді.
Әкімдік тарапынан рұқсаттама алу үшін берешекті өтеу немесе ПИК тарапынан басқа да алыпсатарлыққа жол берілмейтіндігі айтылды. Мұндай жағдайларға тап болған жағдайда бұл туралы қаланың тұрғын үй қатынастары бөліміне хабарлау керек.
Рұқсаттаманы алу үшін өз ПИК-не немесе СШК келіп, жеке куәлігін көрсету қажет. Әр пәтерге бір рұқсаттама беріледі. Егер жеке автокөлік болса, онда техникалық паспорт қажет. Рұқсат қағазы берілетін болады, ол автокөліктің мемлекеттік нөміріне сәйкес келеді. Автокөлік жоқ адамдар үшін рұқсат қағазының түсі үй нөмірімен анықталады. Жұп нөмірлер үшін-жұп күндері және керісінше.
Өскемен және Семей қалаларында 2 сәуірден бастап шектеу сипатындағы қосымша шаралар енгізілді. 6 сәуірден бастап осы екі қала бойынша жүріп-тұру тек рұқсаттама бойынша жүзеге асырылады.
Сурет: lenta.inform.kz
