Шығыс Қазақстан “Flash!” тәуелсіз газетінің редакторы Денис Данилевский Қазақстандағы АҚШ елшілігіне АҚШ президенті Дональд Трампқа хат жолдады.
Данилевский өз хатында 2019 жылы шілдеде Өскемендегі Үлбі металлургиялық зауытында Курчатов қаласының Ұлттық ядролық орталығының реакторынан жоғары байытылған уранды төмен байытылған уранға дейін сұйылту жұмыстары басталатынын айтады.
Ең бастысы, бұл жұмыстардың нәтижесінде пайда болатын барлық қалдықтар жақын жатқан барлық қалалар, өңірлер мен көршілес елдер үшін ерекше қауіп төндіреді.
Бұл істі АҚШ өкілдері қаржыландырады, өйткені барлық дайын өнім американдық ядролық бомба жасау үшін пайдаланылатын болады.
Денис Данилевский Өскемен тұрғындары қалалға радиоактивті қалдықтар түсетініне және АҚШ қауіпсіздігін текке тегін қамтамасыз ету керекпіз деген наразылығын білдірді.
Сондықтан редактор АҚШ президентінен қала тұрғындарына келтірілетін зиян үшін өтемақы бөлуді сұрайды.
“Құрметті Президент мырза,Сізден АҚШ-тың Ұлттық қауіпсіздігі мақсатында қала аумағында жоғары байытылған уранмен жұмыс істеу кезінде туындайтын қауіп-қатерлерді өтеу үшін Өскемен қаласының тұрғындарына қаражат бөлу туралы мәселені қарастыруыңызды сұраймын”, – деді Денис Данилевский.
Бұл жағдайға Орталық Азия елдері интеграциялық үдерістерін талдау орталығының жетекші маманы Ұлықбек Бабағұлов да түсініктеме берді.
“АҚШ-тың Қазақстан аумағында ядролық қалдықтарды сақтайтыны, Үлбі металлургиялық зауытында радиациялық материалдарды қайта өңдеуді жүргізетіні туралы ақпаратты барынша жария ету қажет Сондай-ақ, бірқатар “ұлттық патриоттар” Мұхтар Тайжан сияқты АЭС құрылысы жобасы бойынша дүрліксе де, Алматыдағы әскери зертхана шеңберіндегі Пентагонның қызметі бойынша, сондай-ақ Шығыс Қазақстандағы, АҚШ және Жапон атом электр станцияларының қалдықтарын сақтау және қайта өңдеу туралы үнсіз қалып отыр. Оған қоса, сейсмикалық қауіпті аймақтағы бұл қызмет Өскемен және бүкіл Алтай тұрғындары үшін, яғни Қазақстан, Ресей және Қытай тұрғындары үшін үлкен қауіп төндіреді! Сондықтан қазір барынша дабыл қағу керек!”, – деп есептейді сарапшы.
Біз Ұлықбек Бабағұловтың ұстанымымен келісеміз және жағдайды бақылап қана қоймай, АҚШ елшілігінің жауабын жариялаймыз, сондай-ақ Шығыс Қазақстандағы американдықтардың қызметінен шығатын атом қауіптілігі туралы осы ақпаратты барынша таратуға тырысамыз. Сондай-ақ, Денис Данилевскийден және басқа мамандар мен талдаушылардан сұхбат алуды көздеп отырмыз.
Сурет: korrespondent.ru
