Бүгін Алматыда наразылық шеруін тоқтату кезінде AFP полицейлерімен британдық журналист Крис Риклтон ұсталды. Оның көзі көгерген. Рас, Сыртқы істер министрінің орынбасары Роман Василенко брифинг барысында бұл фактіні жоққа шығаруға тырысты.
“Мен автозакта болдым, мені кәсіби қызметім үшін ұстады. Көзімнің көгеруі ұстау кезіндегі дөрекі қарым-қатынастың нәтижесі. Бұл қасақана соққы болған жоқ, мен полицияның тізесіне құлап кеттім. Менің аккредитациямды алып қойды”, – деді журналист өзінің твиттерінде.
Ал брифингте Роман Василенко баспасөзге келесіні хабарлады:
– Шынында да, Agence France Press журналисі Кристофер Рикалтонмен мұндай жағдай болған, ол тиісті араласудан және талқылаудан кейін кешірім сұрап, оған барлық құжаттар мен құрал-жабдықтар қайтарылып берілді. Сонымен қатар, бұл журналист өзінің Twitter-дегі аккаунтында оны ешкім ұрмағанына және оның кездейсоқ құлауынан көзі көгергенін атап өткім келеді, – деді Василенко
Сонымен қатар, ол ІІМ-ге қоңыраулар соғылған себебі, полицейлер жағдайды өздері түсінбей, Agence France Press қызметкерін босата алмайтындықтан емес, Сыртқыісмині шетелдік журналистер үшін жауап беретіндіктен екенін айтты.
Журналисті ұстау жайында ҚР ІІМ-де қандай түсініктеме берді деген сұраққа Василенко жауап бермеді және бұл сұрақты кейінірек, брифинг барысында ішкі істер министрінің орынбасары Марат Қожаевқа қоюды ұсынды.
