Сыбайлас жемқорлыққа қарсы іс-қимыл агенттігінің Шымкент қаласы бойынша департаментінің бастығы Асхат Жұмағали брифинг өткізді. Онда шымкенттік сыбайлас жемқорлыққа қарсы күресшілердің ағымдағы жылдың бірінші жартыжылдығындағы жұмысының нәтижелері туралы айтылды. Бұл туралы «Қазақпарат» ақпарат агенттігі жазады.
Жұмағалидің айтуынша, сыбайлас жемқорлық қылмысы үшін 28 мемлекеттік қызметкер жауапқа тартылды, оның 20%-ы мемлекеттік органдардың жекелеген құрылымдық бөлімшелерінің басшылары.
Шымкент сыбайлас жемқорлыққа қарсы қызметінің басшысы қазіргі уақытта қалалық сәулет және қала құрылысы басқармасының бастығына қатысты сотқа дейінгі тергеу жүргізіліп жатқанын айтты.
Асхат Жұмағалидің айтуынша, бұл шенеунікке қатысты бюджеттен 498 миллион теңге көлемінде ақша жымқырды деген күдікпен қылмыстық іс ашылды. Тергеу нұсқасына сәйкес, қалалық басқарма бастығы бұл ақшаны жобалық және атқарушы құжаттамаға сәйкес келмейтін топографиялық түсірілім актілеріне қол қою арқылы ұрлаған.
Сонымен қатар, Жұмағали брифинг барысында жақында Шымкент қаласындағы Абай ауданының тауарлар мен қызметтердің сапасы мен қауіпсіздігін бақылау басқармасының басшысы ұсталғанын хабарлады. Оған қатысты пара алды деген күдікпен қылмыстық іс қозғалды. Сотқа дейінгі тергеу жүргізілуде.
Сурет: total.kz
