Бүгін 2019 жылы қыркүйек айында Шымкент қаласында жұмысшы жастар форумы өтетіні белгілі болды. Бұл туралы «Қазақпарат»ақпарат агенттігінің тілшісі хабарлайды.
«Қыркүйек айында Шымкентте өтетін жұмысшы жастар форумы түрлі сала өкілдерінің қатысуын көздейді. Осы сәтте біз жастарды жұмысқа орналастыру мәселесін талқылағымыз келеді. Бюджет бойынша негізгі шығындар, қатысушылардың жол жүруін, тамақтануын және оған қоса әр түрлі пікірталас алаңдарын көздейді. Жалпы, смета белгілі», – деді Қазақстан Республикасы Жастар және отбасы істері комитетінің төрағасы Мадияр Қожахмет.
Сонымен қатар, Жастар ісі және отбасы комитетінің төрағасы жастар арасындағы жұмыссыздық мәселесін қозғады.
«Жастар жұмыссыздығына қатысты, бүгінгі таңда біз жұмыссыздықты 4% деңгейінде көріп отырмыз. Жалпы, ол жұмысқа орналастыру бойынша төмен көрсеткіштің бірі. Қосымша бос орындар жәрмеңкелері тұрақты түрде өткізіледі. Жұмыссыздық мәселесін шешу үшін бізде екі үлкен бағыт бар, бұл жастар тәжірибесі ретінде қаржыландыру көлемін ұлғайту. Және «Дипломмен ауылға» бағдарламасы», — деді Қожахметов.
Сондай-ақ, Қожахмет жастарды жұмысқа орналастыру үшін бір жолғы қолдаудың есептік көрсеткішін арттыру жоспары туралы айтты.
«Ауылда жұмыс істейтіндер үшін бұл қосымша қолдау. Сонымен қатар, түрлі кәсіпорындарға жұмысқа орналасу үшін біз қазір кәсіби білім беруде үлкен жаңғырту жүргізудеміз. Дуалды білім беру бағыты бойынша үлкен жұмыс атқарылады. Жалпы осы шаралардың барлығы жастар арасындағы жұмыссыздық деңгейін осындай төмен деңгейде ұстап тұруға мүмкіндік береді деп ойлаймын», — деп қортындылады Қожахмет.
Сурет: inform.kz
