Шымкент қаласы Төтенше жағдайлар департаментінің бастығы Нұрболат Дербісов ведомствоның карантинге жабылғанын мәлімдеді. Бұл туралы azh.kz хабарлады.
Оның айтуынша, қызметкерлері COVID-19 жұқтырғандықтан, Төтенше жағдайлар департаменті карантинге жабылды. Болған оқиғаның себептері анықталуда.
Шымкент қаласының әкімі Мұрат Айтенов, өз кезегінде, Төтенше жағдайлар департаментінің 16 қызметкерінен коронавирустық инфекция анықталғанын атап өтті.
Қала билігінің айтуынша, Департаменттің 70 қызметкері әлеуетті қарым-қатынаста болған, олар карантинге оқшауланады.
Сонымен қатар, Төтенше жағдайлар департаментінің барлық қызметкерлерінің үйлерінде дезинфекция жұмыстары жүргізіледі. Бұл жұқтыру ошақтарының пайда болуына жол бермеу мақсатында жасалады.
Соңғы мәліметтерге сәйкес, Шымкентте коронавирус ауруының 103 жағдайы тіркелді, ал Қазақстан Республикасында олардың саны 1977-ге жетті.
Сурет: otyrar.kz
