Қалалық тұрғын үй және тұрғын үй инспекциясы басқармасының несие бөлімінің басшысы Гүлнар Әшірбаеваның айтуынша, Шымкентте тұрғын үй алуға ниет білдірушілердің кезегі 37 мың адамды құрайды, жыл сайын пәтер мыңнан астам азаматтарға ғана беріледі.
«Шымкентте тұрғын үй кезегінде 37 000-нан астам адам тұр. Өткен жылы 1152 кезекте тұрғандарға, жалға берілетін тұрғын үй берілді, 104-і «Самұрық Қазына»бағдарламасы бойынша тұрғын үй алды. «Самұрық Қазына» бойынша біз көп пәтер сата алар едік, алайда тұрғын үй құнының салдарынан тек 104 адам ғана төлемге қабілетті болып шықты».
Шымкентте тұрғын үймен қамтамасыз етілу пайызы төмен болу себебі, қалада көп балалы және аз қамтылған отбасылардың көптігі. Қазір қала әкімдігі осы санаттағы азаматтарды қаржылай қолдау мәселесін қарастыруда.
Шымкенттік шенеуніктер тұрғын үй мәселесін шешуді мұқтаждарға «Тұрғын үй сертификаттарын» бөлу деп түсінеді. Мысалы, 10 млн.тұрғын үй сатып алу үшін, бастапқы жарна 2 млн. Бір миллионды өздері төлесе, мемлекет «Тұрғын үй сертификаты» түрінде бір миллион береді.
Табысы төмен бюджеттік ұйымдардың қызметкерлері үшін жеңілдікті несие бөлу мәселесі қарастырылуда.
Сулет: otyrar,kz
