Шымкент қаласында «Қазатомөнеркәсіп» компаниясының бұрынғы басшысы Мұхтар Жәкішевті және басқа да саяси қайраткерлерді қолдау мақсатында наразылық акциясы өтті. Белсенділер оларды босатуды талап етті. Бұл туралы «Азаттық радиосы» хабарлайды.
Шымкент қаласында жексенбі, 4 тамыз күні таңертең жергілікті тұрғындар ел билігінен 2009 жылдан бастап 14 жылдық түрме мерзімін өтеп жатқан және өткен аптада сот шартты түрде мерзімінен бұрын босатудан бас тартқан «Қазатомөнеркәсіп» компаниясының бұрынғы басшысы Мұхтар Жәкішевті бостандыққа шығаруды талар етті. Акция басында Шымкент қаласындағы Абай атындағы саябаққа Жәкішевтің портреті бар плакат, оны босатуға шақырған үнпарақ ұстаған 15-ке жуық адам шыкты.Кейін жиналғандар саны екі есеге артты», — делінген хабарламада.
Наразылық акциясы барысында азаматтық белсенді Данияр Бәйтілеу, 21 ғасырда елімізде саяси тұтқындардың болуы ұят екенін негізге ала отыра, ең бірінші саяси тұтқындарды босату керек деп мәлімдеді.
Сондай-ақ, белсенділер сөз бостандығын шектеу туралы,бейбіт митингілерді өткізу қиынға түсіп отырғанын айтты,олардың кейбіреулері сайлау тақырыбына да қатысты сөз сөйледі.
«Егер елде жұмыссыздық болмай, зауыт-фабрикалар жұмыс істеп тұрса, ал адамдар лайықты жалақы алса,наразылық білдіруге шыға ма? Материалдық жетіспеушілікке байланысты қанша отбасы айырылысып, қанша отбасы пәтер жалдауға мәжбүр?»- деді белсенділердің бірі.
Акцияға қатысушылар бір сағат бойы тұрып, үйлеріне тарқасты. Митинг бейбіт өтті. Ұстау болған жоқ.
