Чех Республикасы депутаттар палатасының спикері Радек Вондрачектің Шымкентте ресми сапары аясында Қазақстан-Чех бизнес-форумы өтті. Бұл туралы қалалық әкімдіктің баспасөз қызметі хабарлады.
Шымкент қаласы әкімдігінің ақпараты бойынша, өткен бизнес-форум барысында екіжақты ынтымақтастықты одан әрі дамыту перспективалары қарастырылды.
Шымкент қаласының әкімі Ерлан Айтаханов іс-шарада сөз сөйлеп, мегаполистің әлеуеті туралы айтып, өзара әрекеттерді дамытудың перспективалық бағыттарын атап өтті. Оның айтуынша, бұл мұнай өнімдерін өндіру, тоқыма өнеркәсібі мен құрылыс материалдары.
Өз кезегінде Чех Республикасының өнеркәсіп одағының өкілдері мал шаруашылығы, ауыл шаруашылығы өнімдерін қайта өңдеу және туризм саласында ынтымақтастық жасауды ұсынды.
