Халық арасында сыбайлас жемқорлыққа қарсы мәдениетті қалыптастыру үшін “Шымкент-адалдық алаңы” жобалау кеңсесі қала мектептерінің оқушыларымен кездесу ұйымдастырды, деп хабарлайды 24.kz ақпарат агенттіг.
Оқушылармен диалог барысында “Шымкент-адалдық алаңы” жобасының кураторы, Қазақстан Республикасы Мемлекеттік қызмет істері министрлігінің департамент басшысы Әли Көмекбаев сыбайлас жемқорлыққа қарсы саясаттың миссиясы қоғамда сенім атмосферасын біртіндеп құрып, жастарды өздерін адал адамдар ретінде анықтауға мүмкіндік беретінін атап өтті.
“Бейтаныс адамның, бұл жағдайда кәсіпкердің сенімін ақтау қазіргі жастардың мінез-құлқында норма болуы тиіс. Өйткені Сіз – біздің болашағымызсыз”, – деді Көмекбаев. Шымкент қаласында М.Әуезов атындағы университетте сатушысыз алғашқы дүкен ашылды.
Қазір қалада 100-ден астам мектептерде, 10 колледжде, жоғары оқу орындарында және басқа да ұйымдарда “адалдық дүкендері” ашылды.
