Билік Шымкенттегі мектептердің бірін провизорлық орталық етіп жарақтандыруды жоспарлады, алайда, қала тұрғындары мұндай шешімді мақұлдамады және оны жасауға мүмкіндік бермеді, деп хабарлайды zakon.kz жаңалықтар ресурсы.
Сөз “Шымсити” шағын ауданында орналасқан оқу мекемесі туралы болып отыр. Мектеп жаңа салынған. Оның кабинеттерін тұмау, ЖРВИ-мен ауырған науқастарды қабылдау үшін аурухана палаталарына қайта жабдықтау жоспарланған.
Қала басшылығының тапсырмасы бойынша мектепке медициналық жабдықтар, төсектер мен матрас жеткізе бастады. Алайда жергілікті тұрғындар бұған кедергі жасап, өздері ғимаратты бойлай тұрып жауып, оларға мүмкіндік бермеді.
Шымкентте тұратын Ұлжан Қошанованың пікірінше, қала тұрғындары мектепте коронавирустық инфекция тарала бастайды деп қорқады, бұл, олардың пікірінше, өздерінің және балаларының өміріне қауіп төндіреді.
Шымкент қаласының әкімі Мұрат Айтенов наразылық білдірген тұрғындармен кездесіп, провизорлық орталық барлық белгіленген карантиндік талаптарды қатаң сақтай отырып, бар болғаны төрт күн жұмыс істейтінін айтты.
Қала әкімінің сөзіне қарамастан, тұрғындар мектепті қайта жабдықтауға қарсы шығуды жалғастырды. Нәтижесінде оқу мекемесінен барлық медициналық жабдықтар мен жиһаз шығарылды.
Сурет: nashesilino.ru
