“Шымкент-Нижний Новгород” бағытында келе жатқан жолаушылар автобусы, Қызылорда облысында аударылып қалды, деп хабарлайды Хабар 24.
Бір адам қаза тауып, тоғыз адам зардап шекті.
Салонда 36 адам болды. Олардың 34-і Өзбекстан азаматтары, екі жүргізуші — қазақстандықтар. Ауруханаға жатқызуды талап етпеген барлық адамдарды Арал ауданы әкімдігінің қызметкерлері жол бойындағы қонақ үйге орналастырды.
“Алдын ала мәліметтер бойынша, апаттың себебі жолда көктайғақ болды. Қазіргі таңда Түркістан облысынан жергілікті көлік компаниясына тиесілі автобус шықты. Ол барлық жолаушыларды белгіленген жерге жеткізеді”, – дейді облыстық жұмылдыру дайындығы басқармасының басшысы Асылбек Шаменов.
