Шымкент қаласының әкімі Мұрат Айтенов тұрғындарға инфекцияның таралуын болдырмау мақсатында қосымша шаралар енгізілетіні туралы хабарлады. Бұл туралы әкімнің баспасөз қызметі хабарлайды.
Қала басшысы қалада әуежай, темір жол вокзалы, автовокзалдар жұмысы толық тоқтатылатын, сонымен қатар автобазар жабылып, азық-түлік жәрмеңкесін өткізуге тыйым салынатынын атап өтті.
Сонымен қатар, Шымкент қаласында қоғамдық көлік қозғалысына шектеу енгізіледі, атап айтқанда ол 06.00-ден 21.00-ге дейін жұмыс істейтін болады, сондай-ақ 21.00-ден 07.00-ге дейін қалаға кіруге де, қаладан шығуға тыйым салынады.
Сонымен қатар, қалада санитарлық және дезинфекциялық шаралар күшейтіліп, қоғамдық тамақтану нысандарының жұмысына шектеу қойылды.
Мұрат Айтеновтың айтуынша, мұндай шаралар Қазақстан Республикасында төтенше жағдай режимін қамтамасыз етуге жауап беретін мемлекеттік комиссияның шешімі бойынша енгізіледі.
Соңғы мәліметтерге сәйкес, біздің елімізде коронавирус ауруының 150 жағдайы тіркелді, бұл ретте жұқтыру қаупін азайтуға бағытталған барлық шаралар қолданылып жатыр.
