Сыбайлас жемқорлыққа қарсы іс-қимыл агенттігінде “Шымкент бойынша ветеринариялық бақылау және қадағалау комитетінің аумақтық инспекциясы” мемлекеттік мекемесі (ММ) басшысының міндетін атқарушы Нақыпбеков сотталғанын хабарлады.
Ведомствоның ақпараты бойынша, Нақыпбеков пара алғаны үшін сотталды. Оған 3 миллион теңге көлемінде айыппұл төлеуге үкім шығарды.
“Қазақстан Республикасының сыбайлас жемқорлыққа қарсы іс-қимыл агенттігінің Шымкент қалалық департаменті “Шымкент бойынша ветеринариялық бақылау және қадағалау комитетінің аумақтық инспекциясы” ММ басшысы И. С. Нақыпбековке қатысты сотқа дейінгі тергеуді аяқтады. 30 шілде күні Шымкент қаласының Абай аудандық сотының үкімімен Нақыпбеков 3 миллион теңге көлемінде айыппұл төлеуге жазаланды”, – деді сыбайлас жемқорлыққа қарсы күрес қызметкерлері.
Сот сотталушыға айыппұл төлеу мерзімін белгіледі,төленбеген жағдайда жаза бас бостандығынан айыруға ауыстырылады. Сонымен қатар, ол мемлекеттік және құқық қорғау қызметін атқару құқығынан айырылды.
Сурет: Kaztag.info
