Бүгін оннан астам этникалық қазақ Шыңжаңда ұсталған туыстарын босатуды талап етіп, Алматыдағы Қытай консулдығына кезекті пикетке шықты. Бұл туралы “Азаттық” жаңалықтар порталы хабарлады.
Акция жарты ай бұрын басталды, ҚХР-дан келген ондаған қазақтар консулдықта бейбіт пикет кезінде Шыңжаңда қалған туыстары мен жақындары негізсіз айыпталып, қамауда отырғанын хабарлады.
“Мен Қытайда отырған ағам Қалыпбек Бабамның босатылуын талап ету үшін келдім. Ол диктор, әнші, өлеңді мәнерлеп оқушы, 60-тан астам әннің авторы. 2019 жылы Қытай билігі оны “Қазақ мұңы” өлеңін оқығаны үшін түрмеге жапты, әлі босатылған жоқ. Үкім болған жоқ. Қазір менің туыстарым менімен шығуға қорқады. Мен мұнда ағамның тағдырына алаңдағандықтан келдім”, – деді бейбіт жиналысқа қатысушылардың бірі.
Бірнеше пикетке қатысушысы Гүлнұр Қосдәулетқызы адамдардың үндеулері мен наразылық акциялары жалғасып жатса да, консулдықтан ешкім наразылық білдірушілерге ешқашан шықпағанын хабарлады.
“Біз тек жексенбі күндерң шықғып жүрген жоқпыз. Қалған күндері шығамыз. Мұнда шенеунік (әкімдік өкілі – ескерт. ред.), болды, ол пикетке рұқсат керек деді. Бірақ олар бізге рұқсат бермейді ғой”, – деді ол.
Сурет: Rus.azattyq.org
