Шығыс Қазақстан облысының әкімі Даниал Ахметов 18 сәуірден бастап аймақта карантиндік режим енгізілетінін мәлімдеді. Тиісті шешімді облыстық жедел штаб мүшелері қабылдады, Бұл туралы nur.kz жаңалықтар ресурсы хабарлайды.
Карантиндік тәртіп талаптарына сәйкес Шығыс Қазақстан облысына кіру және одан шығу шектеледі, бұл тәртіп Қазақстанда төтенше жағдай аяқталғанға дейін созылады.
Карантин режимін енгізуге байланысты аймақ әкімі облыстық кәсіпкерлерге өтініш білдіріп, қызметкерлерді дистанциялық жұмыс форматына көшіріп, жалақысын төлеуге шақырды.
Сонымен қатар, Даниал Ахметов Шығыс Қазақстан басшылығы ірі қалалардың кәсіпкерлеріне қолдау көрсетіп, оларға көлік қатынасы үшін жағдай жасағанын атап өтті.
Алайда, әкім кейбір теріс пиғылды бизнесмендер белгіленген талаптарды бұзып, оларға көлік қатынасы үшін берілген рұқсатнамаларды сатқанын атап өтті. Қазір оларға қатысты тексеру жүргізілуде.
Соңғы мәліметтерге сәйкес, Шығыс Қазақстан облысында коронавирусты жұқтырудың 8 оқиғасы тіркелді, ал елімізде олардың саны 1362-ге жетті.
Сурет: konkret.az
