Шығыс Қазақстан облысында клиенттерден ақша қаражатын ұрлаған банк қызметкері ұсталды. Бұл туралы ШҚО полиция департаментінің киберқылмысқа қарсы әрекет ету бөлімшесінің баспасөз қызметі хабарлайды.
Жедел-іздестіру іс-шараларын жүргізу барысында полиция департаментінің қызметкерлері 27 жасар банк карталары бойынша менеджер клиенттер туралы мәліметтерді және клиенттік карталардың деректер базасына қолжетімділікті пайдаланғанын анықтады. Ол өзінің абоненттік нөмірін абоненттік шоттарға заңсыз тіркеген. Одан әрі онлайн-банкинг арқылы жұмыс істеген банк клиенттерінен ақша ұрлады.
Жалпы сомасы 1,6 миллион теңгеден астам қаржыны жымқырған. Қылмыс фактісі бойынша “Ұрлық”бабы бойынша сотқа дейінгі тергеу жүргізілуде.
Сурет: inform.kz
