Шығыс Қазақстан облысының әкімдігінде отырыс өтті, оның барысында облыстық мемлекеттік аудит қызметінің басшысы Анна Грищенко аймақта 32 млрд теңгеден астам қаражат бұзушылықтармен жұмсалғанын айтты.
Грищенко атап өткендей, облыста 72 миллиард теңгелік бюджет қаражатының игерілуіне тексеру жүргізілді, нәтижесінде ірі сома бұзушылықпен жұмсалғаны анықталды. Сонымен қатар, 400 миллион тиімсіз пайдаланылған.
“Қаржылық бұзушылықтар 26,7 миллиард теңгені құрады, оның ішінде 23,9 миллиард теңге өтелуге және қалпына келтіруге жатады. Анықталған бұзушылықтар 2018 жылмен салыстырғанда 9,2 миллиард теңгеге артты”, – деді ол.
Анықталған бұзушылықтарға байланысты мемлекеттік аудит қызметінің қызметкерлері 17 материалды уәкілетті органдарға тапсырды. Мәселен, 19 шенеунік 4,5 миллион теңге сомасына әкімшілік айыппұл түрінде жаза қолданылды, ал 37 лауазымды тұлға тәртіптік жауапкершілікке тартылды.
Сонымен қатар, Анна Грищенко бюджет қаражатын игеруде бұзушылықтарды тудыратын негізгі проблемаларды айтты. Оның айтуынша, бұл бухгалтерлік есепті дұрыс жүргізбеу және қаржылық есептілікті дұрыс жасамау, сондай-ақ негізсіз еңбекақ төлеу.
Сурет: inbusiness.kz
