Жыл басынан Шығыс Қазақстанның 505 мемлекеттік қызметшісі тәртіптік жауапкершілікке тартылды. Теріс қылық жасағандардың ішінде 224 басшы бар. Көбінесе шенеуніктер лауазымдық міндеттерін тиісінше орындамағаны үшін «сөгіс алды».
«Курсив» хабарлағандай,ҚР Мемлекеттік қызмет істері агенттігінің ШҚО бойынша департаментінде өткен жылдың ұқсас кезеңімен салыстырғанда тәртіптік жауапкершілікке тартылған мемлекеттік қызметшілердің саны 596-дан 505-ке дейін азайды.
Басшы лауазымдарын атқаратын шенеуніктердің теріс қылықтар жасаған саны артты. Егер 2018 жылы 211 басшы жауапқа тартылса, биылғы жылы 224 басшы тартылды.
Облыстық МҚДҚА мәліметтері бойынша, ШҚО мемлекеттік мекемелерінде ең көп таралған бұзушылық лауазымдық міндеттерін тиісінше орындамау болып табылады. Мәселен, сектор меңгерушісі ұйымдардың бірінен түскен өтінішке тиісті көңіл бөлмеді, бұл азаматтың заңды құқықтары мен мүдделерін бұзуға әкеп соқты. Нәтижесінде мемлекеттік қызметкерлер «қызметіне сәйкес еместігі туралы ескерту» жасады.
Департамент жыл басынан бері әдеп жөніндегі Кеңес отырысында 50-ден астам сұрақ қаралғанын атап өтті. Олардың қатарында мемлекеттік қызметшілерге қатысты 16 тәртіптік іс бар. Мысалы, кеңестің ұсынысы бойынша Өскемен қаласы әкімінің орынбасары қызметтік көлікті жұмыстан тыс уақытта пайдаланғаны үшін ескерту түріндегі жауапкершілікке тартылды. Жыл басынан бері осындай үш факті анықталды.
Мемлекеттік қызметшілердің әлеуметтік желілерде әдепке сай емес мінез-құлқы жағдайлары биылғы жылы болған жоқ.
Естеріңізге сала кетейік, бұған дейін «Курсив», ШҚО кенттерінің бірінің әкімі қол астындағылардан бұрын жазылған сыйлықтардың бір бөлігін талап еткені туралы хабарлаған болатын.Ол осы әрекеті үшін қатаң сөгіс алып, содан кейін мемлекеттік қызметтен кетті.
Сурет: kursiv.kz
