Қазақстан әскери қызметшілері Шығыс Қазақстан облысындағы 5511 әскери бөлімінен өз еркімен кетіп қалған қатардағы жауынгерлерді ұстады. Бұл жайында «Шығыс» Өңірлік қолбасшылығының баспасөз қызметі хабар берді.
«Шығыс» қолбасшылығы өкілдері қашқын Семей қаласынан 60 шақырым жерде орналасқан Знаменск елді мекенінен табылып, ұсталғанын айтты.
Мерзімді әскери қызметтегі сарбаз бөлімді өз еркімен тастап кетуінің себебі, әзірше, белгісіз, қызметтік тергеу жүргізілуде.
Төтенше жағдай кезінде бөлімді немесе қызмет орнын өз бетімен тастап кету фактісі бойынша қылмыстық іс ашылды. Мұндай әрекеттер үшін сарбазға бес жылдан жеті жылға дейінгі мерзімге түрмеге қамау түріндегі жаза беріледі.
Бұған дейін қазақстандық БАҚ-тарда биылғы жылдың 3 сәуірінде мерзімді әскердегі сарбаз әскери атыс алаңында қызметте жүріп, өз еркімен орнын тастап, белгісіз бағытта бой тасалағаны туралы ақпарат болған.
Сурет: m.ru.sputniknews.kz
