Көліктегі бас санитарлық дәрігер Сәдуақас Байғабылов 2 қарашадан бастап Шығыс Қазақстан облысынан еліміздің басқа өңірлеріне баратын жолаушыларда теріс нәтижелі коронавирусқа тестілеу анықтамасы болуы тиіс деп мәлімдеді. Бұл туралы zakon.kz жаңалықтар ресурсы хабарлайды.
Байғабылов бұл талап өңірден теміржол және авиация көлігімен шығуды жоспарлап отырған азаматтарға қатысты екенін нақтылап айтты.
Ол ұшақ Шығыс Қазақстаннан еліміздің басқа әуежайына ұшып келгенде жолаушылардың анықтамалары тексерілетінін атап өтті. Осындай тексеру темір жол қатынасында да жүргізілетін болады.
Байғабылов егер тексерушілер жолаушыларда анықтаманың жоқтығын анықтаса, онда тасымалдаушы 1600 айлық есептік көрсеткіш мөлшерінде айыппұл түрінде әкімшілік жауапкершілікке тартылатынын атап өтті.
Эпидемия таралғаннан бастап бүгінгі күнге дейін Шығыс Қазақстан облысында коронавирустық инфекцияны жұқтырудың 10050 жағдайы тіркелді, ал республика бойынша жұқтырғандардың жалпы саны 112418-ді құрайды.
