Шығыс Қазақстан облысында “Біз біргеміз” қайырымдылық қорының еріктілері Тарбағатай ауданының көп балалы отбасыларына арналған үйлердің құрылысымен айналысуда.
2019 жылы Қор қызметкерлері 27 отбасын қамтамасыз етіп үлгерді. Сондай-ақ, Қор азық-түлік және басқа да мектепке керек-жарақтарды ауданның оқу орындарына жіберуде.
Бастапқыда ауданда қайырымдылық жұмыстарымен айналысқан жас белсенділер тобы жұмыс істеді. 2018 жылы көп балалы отбасыларға арналған үй салынды. Жергілікті билік белсенділерді байқап, оларға көмек көрсете бастады.
Бүгінгі таңда көп балалы отбасыларға арналған, жалпы ауданы 100 шаршы метрден астам екі 3 бөлмелі пәтердің құрылысы жүріп жатыр.
“Айдың соңына дейін қабырғаларын көтереміз, 1 қыркүйекке дейін пайдалануға береміз. Болашақ қоныс иелерін барлық ауыл болып таңдадық. Шешім жұртшылық кеңесімен, әйелдер кеңесімен және ақсақалдар кеңесімен қабылданды. Барлығы көмектесуде. Тіпті қариялар мен әйелдер де шетте қалмайды:еріктілерге бірі ет, енді бірі түскі ас,тағы бірі шай әкеледі”, – деді Тарбағатай ауданының әкімі Серікқазы Садуақасов.
Сондай-ақ, құрылыс жұмыстарына жергілікті тұрғын Айман Маркабаева қатысты. Ол жақында көптен күткен пәтерге ие болғанын хабарлады.
“Әрбір балаға 21 мың теңге мемлекет төлейді. Балаларды мектеп керек-жарақтарымен және формамен тегін қамтамасыз етеді. Ал жергілікті әкімдік азық-түлік пен көмір береді. Мұның бәрі мен сияқтыларға үлкен қолдау”, – деді әйел.
Сурет: Sobesednik.net
