Шығыс Қазақстан облысы әкімінің орынбасары Әсем Нүсіпова өңірдің медициналық қауымдастығын Денсаулық сақтау басқармасының жаңа басшысы Ілияс Мұхамеджанмен таныстырды.
Жаңа тағайындалғанға дейін ол ШҚО денсаулық сақтау басқармасы басшысының орынбасары қызметін атқарды.
С. Д. Асфендияров атындағы ҚазҰМУ түлегі. Ол өзінің еңбек жолын студент кезінде, Алматы қаласының ЖМК операциялық блогында санитар болып жұмыс істеуден бастады. Еңбек жолын Б. О. Жарбосынов атындағы Урология ғылыми орталығында жалпы урология бөлімінде кіші ғылыми қызметкер болып жалғастырды. Одан кейін Б. О. Жарбосынов атындағы УҒО бөлімшесінің меңгерушісі болып жұмыс істеді, мұнда Басқарма Төрағасының ғылыми-зерттеу қызметі жөніндегі орынбасары болып, басшылық қызметке тағайындалды. Әр жылдары Еуропаның жетекші медициналық клиникаларында өз біліктілігін арттырды. Қазақстан урологтар қауымдастығының Басқарма мүшесі, урология және денсаулық сақтау саласындағы ғылыми еңбектердің авторы, медицина ғылымдарының кандидаты, медицина магистрі.
Облыстың медициналық қоғамдастығын жаңа басшымен таныстыру барысында Әсем Нүсіпова оған жаңа орында табыс тіледі, сондай-ақ басқарманың бұрынғы бастығы Марат Шорановтың еңбегін атап өтіп, Ілияс Мұхамеджан соңғы үш жылда облыстың денсаулық сақтау саласы қолға алған бағытты жалғастырып, оны жан-жақты және кезең-кезеңмен дамытатынына үміт білдірді.
Сурет: zakon.kz
