Шығыс Қазақстан облысының әкімі Даниал Ахметов облыстық мәслихат депутаттарымен бейнеконференция өткізді. Бұл туралы tengrinews.kz ақпарат агенттігі хабарлады.
Онлайн-кездесуде Даниал Ахметов коронавирустық инфекцияның таралуы жағдайында Шығыс Қазақстан басшылығы осал санаттағы азаматтарды әлеуметтік қолдау мен қорғауға қатысты мәселелерге ерекше назар аударатынын айтты.
Сонымен қатар, ол биылғы жылдың бірінші жартыжылдығында өңірде тұратын 9 мың отбасы жалпы сомасы 2 миллиард теңгеге атаулы әлеуметтік көмек алғандығын айтты.
78 мың азамат азық-түлік-тұрмыстық жиынтығын алды. Облыс әкімі , бұл мақсатқа 930 миллион теңге жұмсалғанын атап өтті.
Сондай-ақ, бейнеконференция барысында Даниал Ахметов «Биз біргеміз» акциясы аясында 30 мың адамға жалпы сомасы 1,5 миллиард теңгеге материалдық көмек берілгенін айтты.
Сонымен қатар, Шығыс Қазақстанның тағы 297 мың тұрғыны карантиндік шектеулерден табыстарын жоғалтуға байланысты, мөлшері 42,5 мың теңгелік, әлеуметтік жәрдемақы алды.
Сурет: tengrinews.k,
