Шығыс Қазақстан облысының тауарлар мен қызметтердің сапасы мен қауіпсіздігін бақылау департаменті кәсіпорындарды санитарлық талаптардың сақталуына тексеру нәтижелері туралы баяндады, деп хабарлайды «Қазақпарат» ақпараттық ресурсы.
Ведомство Өскемен, Семей және өңірдің 17 ауданында орналасқан 1722 нысан тексерілгенін атап өтті.
Тексеру қорытындысы бойынша 336 объектіде 435 санитарлық нормалардың бұзылуы, оның ішінде бетперде режимі мен әлеуметтік қашықтықты сақтамау анықталды. Кейбір кәсіпорындарда жеке қорғану құралдары мүлдем жоқ.
Осыған байланысты түсіндіру жұмыстары жүргізіліп, анықталған бұзушылықтарды жою бойынша ұсыныстар берілді.
Департаментте нысандарды санитарлық нормаларды сақтау бойынша екінші рет тексергегде бұрын анықталған барлық бұзушылықтар жойылды.
Бүгінгі таңда Шығыс Қазақстан облысында коронавирустық инфекцияны жұқтырудың 135 жағдайы расталды, ал біздің республикада олардың саны 11308-ге жетті.
Сурет: 24.kz
