Шығыс Қазақстан облысының бас санитарлық дәрігері Марат Исмаилов қол қойған қаулыға сәйкес аймақта қатаң карантиндік шаралар ұзартылады. Бұл туралы «Қазақпарат» ақпарат агенттігі жазады.
Осы қаулыға сәйкес Шығыс Қазақстанда қатаң карантин осы жылдың 17 тамызына дейін ұзартылады. Бұл індеттің таралуын болдырмау және азаматтардың өмір қауіпсіздігін қамтамасыз ету мақсатында жасалады.
Марат Ысмайыловтың айтуынша, аймақтағы эпидемиологиялық жағдай өзгерген жағдайда шектеу іс-шаралары мерзіміне түзетулер енгізілуі мүмкін.
Сондай-ақ, ол қазіргі уақытта коронавируспен ауыратын азаматтарды емдеуге арналған инфекциялық ауруханалардың төсек қорымен қамтылуы 29,5%-ды құрайтынын айтты.
Сонымен бірге, Шығыс Қазақстанда коронавируспен ауырғандардың саны 6508 құрайды, ал біздің елімізде олардың саны 91593-ке жетті.
Бұған дейін коронавирус инфекциясымен күресу мақсатында карантиндік шаралар Маңғыстау, Қостанай және Жамбыл облыстарында, сондай-ақ Нұр-Сұлтан мен Алматыда ұзартылғаны хабарланған болатын.
