Бүгін ҚХР Сиань қаласында өткен Еуразиялық экономикалық форум барысында Қазақстаннан ежелгі жартас суреттері бар Тамғалы шатқалы қосылған “ШЫҰ 8 кереметі” туристік жобасы таныстырылды. Бұл ХАА “ҚазАқпарат” тілшісі хабарлайды.
“ШЫҰ 8 кереметі” жобасы – бұл ШЫҰ елдерінің архитектурасы мен тарихының бірегей сегіз ескерткіші. Олардың арасында Қазақстандағы 4 мың жартас суреті бар Тамғалы шатқалы бар. Нысан ЮНЕСКО-ның тарихи мұрасы тізіміне енді. Үндістаннан әлемнің ғажайыптарына Валабхаи Пателя 182 метрлік мүсіні, Қырғызстаннан-Ыстықкөл көлі, Тәжікстаннан – Навруз сарайы, Өзбекстаннан-12-16 ғасырлардағы “Пои Калян” архитектуралық ансамблі, Ресейден – “Золотое кольцо”бағыты енді. Қытайдан Дамин сарайы, Пәкістаннан – Лахор қаласының моголь мұрасы ұсынылды.
“ШЫҰ елдерінің туристік нарығы тартымды және перспективалы ретінде сипатталады. ШЫҰ-ның әрбір мүшесінен туристерді қызықтыратын мәдени нысандар таңдалды. Жоба бірыңғай туристік маршрутты қалыптастыруға бағытталған”, – деді ШЫҰ Бас хатшысы Владимир Норов.
Ол сондай-ақ әлемде туризмнен түскен табыс жыл сайын өсіп келе жатқанын, өткен жылы көрсеткіштер 5 пайызға өсіп, 5 трл долларды құрайтынын айтты. Бүгінгі таңда туризмді дамыту перспективалы бағыт ретінде қарастырылуда.
Экономикалық форумның ұйымдастыру комитеті Бас хатшысының орынбасары Ван Канвей ШЫҰ елдерінің тарихи-мәдени мұрасының әлеуеті толық көлемде пайдаланылмайды деп санайды.
“Қытайда шығу туризмінің буы орын алуда. Жыл сайын 150 млн адам шетелге шығады. Оның ішінде Ресейге-2 млн жуық, ал Орталық Азия елдеріне-одан да аз”, – деп айтты ол.
Сурет: inform.kz
