Бас прокуратура “Қорғас ісі” бойынша ұрланған активтерді қайтаруды жалғастыруда.
Швейцарияның федералды қылмыстық соты Қазақстан Бас прокуратурасының өтінішін қанағаттандырып, Қорғас ісі бойынша заңсыз жолмен алынған 140 миллион теңгені қайтару туралы шешім қабылдады, деп Total.kz хабарлайды.
“Аталған қаржы 2012 жылдан бері халықаралық іздеуде жүрген Магзум Абдралиевке тиесілі”, — деп хабарлайды ҚР Бас прокуратурасы.
Сондай-ақ, 25 сәуірде ақшалар Швейцариядан ҚР Ұлттық банкінің шотына түсіп, жақын арада мемлекет пайдасына аударылатын болады.
“Естеріңізге сала кетейік, 2018 жылдың сәуір айында прокуратура органдарының өтініші бойынша мемлекет пайдасына 762 мың АҚШ доллары және 915 мың теңге М. Әбдірәлиевтің қылмыстық кірістері тәркіленді. Осылайша, ұрланған активтерді қайтару бойынша жұмыс аясында осы іс бойынша мемлекеттік бюджетке түскен қаражаттың жалпы сомасы 420 млн теңгені құрайды”, — деп хабарлайды Бас прокуратура.
Қорғас ісі-Қазақстан тарихындағы ең ірі қылмыстық процесс. Кеден және мемлекеттік қауіпсіздік қызметкерлері “Қорғас”, “Қалжат” және “Достық”кеден бекеттері арқылы контрабандалық жолмен ұсталды. Іс бойынша айыпталушылар ретінде 45 адам өтті. Бұдан басқа 19 адам іздеу жарияланды.
Сурет: zen.yandex.ru
