Қазақстан халқы Ассамблеясы төрағасының орынбасары Юсуп Келигов баспасөз мәслихатында келесі айда Арыс қаласына құрылыс материалдары жіберілетінін айтты. Бұл туралы «Қазақпарат» ақпарат агенттігі хабарлайды.
«Этномәдени бірлестіктер бірінші кезекте қажетті заттар мен азық-түліктерден басқа, шілде айының бірінші күні керуенмен құрылыс материалдарын жөнелтуді жоспарлап отыр», — деді Келигов.
Юсуп Келигов бүгін Шымкенттің көмек штабында этномәдени бірлестіктер өкілдерімен кеңес өткізгенін хабарлады. Кеңес барысында қатысушылар Арыс қаласында зардап шеккен азаматтарға көмек көрсету мәселелерін талқылады.
«Осы күндері біз Арыстың зардап шеккен тұрғындарына көңіл бөлуге тырыстық – тамақтану пункттерін ұсыну, ыстық тамақ және т. б. жеткізуге тырыстық. Барлығы көмектесті — кәрістер, немістер, ұйғырлар, «Вайнах» қоғамы, молдавандар, грузиндер, татарлар. Өзбек диаспорасы өз жұмысын өте кең өрістетті,себебі олар саны жағынан көп. Қайғы біріктіреді — бөтен қайғы болмайды. Бауырлас қазақ халығынан бет бұрған ешкім жоқ. Біз көп жылдар қалыптасқан құндылықтарды сақтап, бірлік пен достықтғымызды бұдан әрі сақтауға тырысуымыз керек. Олар баға жетпейтін құндылығымыз! Біз бірге кез келген қайғыны жеңеміз», – деді Келигов.
Сурет: tk-gruz.ru
