Қазақстан Ұлттық қауіпсіздік комитеті Шекара қызметінің подполковнигі Мұңдаш Муллуашев басқа мемлекеттердің студенттері оқуын жалғастыру үшін еліміздің аумағына кіре алатынын мәлімдеді. Бұл туралы “Қазақпарат” ақпарат агенттігі хабарлады.
Муллуашевтің айтуынша, бұл оқушыларға, студенттерге, курсанттар мен тыңдаушыларға қатысты. Олар үшін оқу визаларын ұзарту, студенттік ID карталарын ресімдеу, сондай-ақ олардың қазақстандық оқу орындары растаған шақыруы болса, емтихан тапсыру үшін Қазақстанға кіруге рұқсат етілген.
“Егер шетелдік студенттер мемлекеттік шекарада Қазақстанда оқитынын растайтын құжаттарды ұсынса, санитарлық-эпидемиологиялық талаптарды сақтау жағдайында оқуын жалғастыру үшін келуге құқылы”, – деп атап өтті подполковник.
Бұған дейін Ұлттық қауіпсіздік комитетінің Шекара қызметі Қазақстан тұрғындарына індет кезінде шекарадан өту ережелерін түсіндірген болатын. Республика азаматы отыз күнде бір рет шет мемлекетке бара алады. Қазақстанға оралғаннан кейін, келесі сапарды келген сәттен бастап 30 күн өткеннен кейін ғана жасауға болады. Ведомство кезеңділік азамат Қазақстаннан шыққан кезден белгіленетін атап өтті.
Сурет: ugrasu.ru
