ҚР Премьер-Министрінің бірінші орынбасары-ҚР Қаржы министрі Әлихан Смайылов шетелдік инвестициялардың шығу тегі тұрғысынан қалай тексерілетінін айтты.
«Әрбір инвестор дүниежүзілік деректер қоры арқылы оның түрлі санкциялық тізімдерде тұратындығы, оның қаржылары мен ақша қаражаты заңды екендігіне тексеріледі. АХҚО тексерісін жүргізген кезде, бұл ақпаратты ол біздің министрлікке қаржы мониторингіне жібереді», — деді Әлихан Смайылов ҚР Парламенті Сенатының пленарлық отырысында.
Оның айтуынша, қаржылық мониторингке 160 мемлекет кіреді.
«Барлық ақпарат жиналып, талқыланатын болады. Ақпарат алмасатын боламыз, яғни инвестор туралы ақпарат 160 мемлекеттің қаржы құрылымдарына, қадағалау органдарына жіберілетін болады. Егер кенеттен қандай да бір бұзушылықтар немесе қандай да бір күмән анықталса, құжаттар құқық қорғау органдарына, бас прокуратураға жіберіледі»,-деп атап өтті спикер.
Сонымен қатар, инвестор ІІМ, ҰҚК желісі бойынша тексеруден өтеді.
«Сондай-ақ, салықтан жалтару, террористік немесе қылмыстық жолмен алынған ақшаны қолма-қол ақшаға айналдыру бойынша іс-әрекеттерді болдырмау бойынша барлық шаралар қолданылатын болады. Сондай — ақ, біз қылмыстық және террористік жолмен алынған біздің елге ақша кіруді болдырмау бойынша барлық шараларды қолданатын боламыз», — деді А. Смайылов.
