ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Мемлекеттік қызметтер департаментінің директоры Ильдар Үйсімбаев қазір мемлекеттік мекемелердің алаңдарын қысқартса, бюджет қаражатын 1 миллиард теңгеге дейін үнемдейтіндігін мәлімдеді.
7,5 мың мемлекеттік мекемелерге түгендеу жүргізіп, шенеуніктер үшін бөлінген 163 мың шаршы метр алаңды үнемдеуге болатындығы анықталды.
“Мемлекеттік органдар 163 мың шаршы метр артық алаңды алып жатыр. Оларды кәсіпкерлерден алаңды жалға алатын басқа мемлекеттік органдардың пайдалануына немесе мұндай мүмкіндік болмаған жағдайда жеке және заңды тұлғаларға жалға беруге болады”, – деп хабарлады ведомстводан.
Рейтингте мемлекеттік органдар орналасқан алаңға ең “ысырапты” Алматы, Түркістан және Павлодар облыстары болып шықты. Бұл аймақтарда шенеуніктер кең кабинеттерді жақсы көреді.
“Мемлекеттік органдарда мемлекеттік аппаратты орналастырудың бекітілген ережелері мен нормалары бар. Яғни басшының 20 ш. м. кабинеті, қабылдау бөлмесі 10 ш. м, әрбір қызметкердің кабинеті 7 ш. м..Енді оңтайландыру жұмыстары жүргізілетін болады”, – деп атап өтті Ильдар Үйсімбаев.
Сондай – ақ,шенеуніктер мемлекетке тиесілі нысандарды пайдаланбай, үй-жайларды бюджеттік ақшаға жалға алатындар да бар.
Сулет: abctv.kz
