Қызылорда облысында денсаулық сақтау басқармасы басшысының орынбасарына 875 мың теңге айыппұл салынды. Хабарламада айтылғандай, ол мемлекетке 64 млн теңгеден астам шығын келтірген, деп хабарлайды zakon.kz.
Қызылорда облысында облыстық денсаулық сақтау басқармасы басшысының орынбасары Бурамбаевқа 300 АЕК (875 мың теңгеден астам — ред.) көлемінде айыппұл салынды, — делінген Сыбайлас жемқорлыққа қарсы қызметтің хабарламасында.
Ол қызмет бабын асыра пайдаланды деген күдікке ілінді. Антикордың айтуынша, ол техникалық ерекшеліктер мен тендерлік құжаттамаға сәйкес келмейтін механикалық желдету аппараттарын сатып алған. Оның әрекеттері мемлекетке 64,4 млн теңге көлемінде залал келтіргені атап өтілді.
