Қазақстан Республикасының Әскери-әуе күштері Тәуелсіз Мемлекеттер Достастығы елдерінің әуе шабуылына қарсы қорғаныс біріккен жүйесінің оқу-жаттығуларына қатысты. Бұл туралы Қорғаныс министрлігінің баспасөз бөлімінде айтылды.
Армения, Беларусь Республикасы, Қазақстан, Қырғыз Республикасы және Ресей Федерациясы сияқты елдердің әскери аэродромдарынан МиГ-31, Су-30СМ, МиГ-29 және Су-25 ұшақтары әуеге көтерілді. Авиация берілген бақылау мақсаттарын шартты түрде жойды.
Еліміздің Қарулы Күштерінің Әуе қорғанысы күштерін жауынгерлік басқару Орталығының тәжірибелік іс-қимылдарына авиацияның бас қолбасшысы генерал-лейтенант Нұрлан Орманбетов жетекшілік етті.
“Республика әуе күштерінен жиырмаға жуық ұшу аппараты қатысты, олардың ішінде жойғыш және шабуылдау авиациясының ұшақтары, армия авиациясының тікұшақтары және ұшқышсыз ұшу аппараттары болды”, – деп атап өтті министрлікте.
Жаттығу кезінде әскери қызметшілер өзара іс-қимыл жасайтын т тараптардың бұзушы ұшақтар бойынша кезекші күштерді қолдануын, сондай-ақ ТМД-ға мүше елдердің әуе кеңістігін пайдалануды пысықтады.
Жаттығу барысында мақсаттар мен міндеттерге толық қол жеткізілгені атап өтілді. Еліміздің ӘШҚҚ және ӘӘК әскерлерінің кезекші күштері мен құралдары іс жүзінде Қазақстанның әуе шекараларын күзетуде өз нәтижелілігін тағы да дәлелдеді.
Сурет: ru.sputniknews.kz
