Шығыс Қазақстанда 2024 жылдың соңына дейін халықты таза ауыз сумен қамтамасыз ету мәселесі жойылады.
Бұл туралы Энергетика және ТКШ басқармасының басшысы Алмат Ақышев облыс әкімдігінің отырысында айтты, деп мәлімдеді облыс әкімінің баспасөз қызметі.
Шығыс Қазақстан облысында соңғы алты жылда сумен жабдықтау проблемаларын шешуде оң өзгерістер болды. Мәселен, бүгінгі таңда облыс бойынша орталық суға қол жеткізу 92,8% — ды немесе 1265,9 мың адамды құрайды. 2015 жылдан бастап «Ақ бұлақ» бағдарламасы аясында өңірдің қалалары мен ауылдық елді мекендерінің тұрғындары үшін орталық су мәселесі біртіндеп шешілді.
Қазіргі таңда 683 ауылдық елді мекеннің 529-ында сапалы ауыз су бар. Халықты ауыз сумен қамтамасыз ету көрсеткіші алты жылдық кезеңде 65,1% — дан 83,2% — ға дейін ұлғайды. Энергетика және тұрғын үй-коммуналдық шаруашылық басқармасының басшысы Алмат Ақышов өткен жылы 152 жоба іске асырылып, қазіргі уақытта 88 жоба аяқталғанын айтты. Оның ішінде 16 сумен жабдықтау, 51 блок-модульдік станция салынды, сондай-ақ қалалар мен ауылдарда 21 сумен жабдықтау қайта жаңғыртылды.
— Мұндай қарқын 2020 жылы 17,5 мыңнан астам адамды орталықтандырылған сумен қамтамасыз етуге мүмкіндік берді. Бұнымен біз тоқтамаймыз. Ағымдағы жылы 98 жобаны іске қосу жоспарланған. Оның ішінде 30 құрылыс жобасы мен 17 қайта құру жобасы, 51 блок-модульдік станция орнатамыз. Бұл ретте айта кету керек, 49,6 мың адамды таза ауыз сумен қамтимыз,— деді Алмат Ақышев.
Мониторингке сәйкес, 2015 жылы сегіз жоба пайдалануға берілді, нәтижесінде 703 адам таза сумен қамтамасыз етілді. 2016 жылы 14 жоба пайдалануға берілді, оның алтауы-жаңа құрылыс. Қосымша 5 622 адам орталық суға қол жеткізді.
2017 жылы бұл сан 28 жобаға дейін өсті, нәтижесінде 16 323 адам сапалы ауыз сумен қамтамасыз етілді.
2018 жылы 50 жоба жүзеге асырылды. Оның 18-і аяқталды, 246 км желі салынды және қайта жаңартылды, ал 32 жоба 2019 жылға көшті. Ірі елді мекендерде сумен жабдықтау объектілерін салумен қатар, жергілікті бюджет қаражаты есебінен халық аз ауылдарда 2345 адамға арналған 15 ұңғыманы қосымша жайластыру бойынша жұмыстар жүргізілді. Барлығы 6470 адам қосымша сумен қамтылған.
2019 жылы 20 жоба пайдалануға берілді, нәтижесінде 4 453 адам үйіне су алды. Бұдан басқа, халқы 200 адамнан кем ауылдық елді мекендерде 77 Блокты-модульді су тазарту және тарату станциялары орнатылды. Барлығы 15923 адам қосымша ауыз сумен қамтылды. ⠀
— Біздің облыс соңғы жылдары сумен жабдықтаудағы бұрыннан келе жатқан проблемаларды шешуде айтарлықтай ілгерілеп келеді. Бұл көрсеткіш қуантады,— дейді ШҚО әкімі Даниал Ахметов.
⠀ 2022-2024 жылдары 40,0 мың адам үшін 73 ауылдық елді мекенде сумен жабдықтау құрылысы жоспарланып отыр. Белгіленген жоспарларды іске асыру 2024 жылы облыс тұрғындарын жүз пайыздық орталықтандырылған сумен қамтамасыз етуге мүмкіндік береді.
