Бүгін, 4 ақпанда Мәжіліс депутаттары Зарина Камасова, Лариса Павловец және Ғалымжан Елеуов коронавирус инфекциясына қарсы вакцина алды. Бұл туралы Мәжілістің баспасөз қызметі хабарлады.
Депутаттар медициналық әріптестерімен бірге Қазақстанда алғашқылардың бірі болып иммундаудан өтті. Депутат болып сайланғанға дейін олар өз аймағының медициналық мекемелерінде жұмыс істеді және халыққа коронавирус инфекциясымен күресуге көмектесті.
“Дәрігер ретінде мен қазір тек жаппай вакциналау арқылы коронавирустың таралуына қарсы тұра алатынымызды жақсы түсінемін. Әрине, бұл әр адамның ерікті шешімі. Мен өзім үшін бұл мәселені біржақты шештім: мен екпе жасадым, өйткені менің денсаулығым, туыстарым мен жақындарымның денсаулығы осыған байланысты”, – деді мәжілісмен Лариса Павловец.
Олар вакцина алғаннан кейін денсаулығы нашарламағанын айтты. Қалған мәжілісмендер наурыз айында Денсаулық сақтау министрлігінің кестесіне сәйкес егілетін болады.
Сурет: new.myseldon.com
