Түркістан облысының әкімі Өмірзақ Шөкеев Шардара ауданындағы «Ардагерлер үйінде» болды. Ол ақсақалдармен кездесіп, жиналғандарды ашық диалогқа шақырды, деп хабарлайды «ҚазАқпарат» ХАА, облыс басшысының баспасөз қызметіне сілтеме жасай отыра. Түркістанда көптен болмаған ақсақалдар қысқа уақыт ішінде қаланың жаңарып, танымастай өзгергеніне таңданды. Аймақ басшысы жаңартылған рухани елордаға баруды ұсынды. «Індетке байланысты көптеген кездесулер тоқтатылды. Халықпен тиімді кері байланыс орнату — басым міндеттердің бірі. Сіздердің кеңестеріңіз бен пікірлеріңіз біз үшін өте маңызды, сіздер сияқты ешкім де ауданның өмірімен таныс емес. Мен әрқашан сіздермен кездесуді асыға күтемін. Жаңартылған Түркістанға барып, оны көруді ұсынамын», — деді облыс әкімі.
Өңір басшысы барлық аудандар мен қалалардағы жауапты басшыларға жаңартылған Түркістанға барғысы келетін ақсақалдарға көмек көрсетуді тапсырды. Рухани Астанаға келгендердің арасында аймақтың, елдің әлеуметтік-экономикалық дамуына үлкен үлес қосқан ардагерлер, ақсақалдар бар. Аудан және қала басшылары Түркістанға сапар ұйымдастыруға жауапты. Бұл бағыттағы іс-шаралар қатаң карантиндік талаптарға сәйкес ұйымдастырылуы тиіс. Сонымен қатар, кездесуде өңір басшысы мұндай кездесулердің маңыздылығын атап өтті. Өмірзақ Естайұлы аға буынның қоғам өміріне қосқан үлесі үшін шынайы ризашылығын білдіріп, қарт адамдарға құрмет көрсету, ардагерлерге қамқорлық жасау — кейінгі ұрпақтың парызы мен міндеті екенін атап өтті. Зиялы қауым өкілдері мен ақсақалдар өңір басшысына Түркістан облысының өркендеуі жолындағы жұмысына табыс тіледі.
Түркістан басшысы әкімдіктің бұрынғы ғимаратына қатысты шуға пікір білдірді/
Аукцион арқылы сатылып кеткен әкімдік ғимаратына қатысты Түркістан қаласының әкімі INSTAGRAM парақшасындағы тікелей эфир кезінде мәлімдеме жасады деп хабарлайды өңірдегі KAZ.NUR.KZ тілшісі. Рашид Аюповтың мәліметінше, қалада қонақүйлерді көбейту мәселесі бұған дейін туындаған. Қалаға келетін туристерге қолайлы жағдай жасау мақсатында қонақ...
