Мәскеуде ұжымдық қауіпсіздік туралы шарт ұйымына қатысушы елдердің қорғаныс ведомстволары мен дағдарыстық әрекет ету орталығы өкілдерінің бірлескен жиыны өтті. Бұл туралы ҰҚШҰ баспасөз қызметі хабарлады.
Жиын ҰҚШҰ Біріккен штабы бастығының орынбасары генерал-майор Сергей Куприктің төрағалығымен өтті және оған Қазақстан, Ресей, Тәжікстан, Армения, Беларусь және Қырғызстан қорғаныс министрліктерінің өкілдері қатысты.
Іс-шара дағдарыстық әрекет ету орталығы өкілдерінің ҰҚШҰ-ға мүше мемлекеттердің ұлттық билік органдарымен бірлескен іс-қимыл алгоритмін әзірлеу мақсатында өткізілді.
“Алғаш рет өткізілген жиын осындай кездесулердің форматы ҰҚШҰ аясында мемлекетаралық ақпараттық өзара іс-қимыл жүйесін дамыту бойынша одан әрі жұмыс бағытын анықтауға тамаша мүмкіндік беретінін көрсетеді”, – деді Куприк.
Сондай-ақ, генерал-майор мұндай жиындар жыл сайын өткізілетінін мәлімдеді. Ол түрлі құрылымдар мен елдердің өзара іс-қимылының нәтижелілігі үшін дағдарыстық әрекет ету орталығы мен ҰҚШҰ мемлекеттерінің мамандарын оқытудың бірыңғай бағдарламасы бекітілетінін айтты.
Сурет: rossaprimavera.ru
