Енді әскери мақсаттағы өнімнің бағасы мемлекеттің өз қажеттіліктері үшін жеткізуші елдің заңнамасы бойынша қалыптастырылатын болады.
Палата Спикері Нұрлан Нығматулиннің төрағалығымен өткен Парламент Мәжілісінің кезекті отырысында депутаттар “1992 жылғы 15 мамырдағы Ұжымдық қауіпсіздік туралы шартқа қатысушы мемлекеттер арасындағы әскери-техникалық ынтымақтастықтың негізгі қағидаттары туралы келісімге өзгерістер енгізу туралы төртінші хаттаманы ратификациялау туралы”заң жобасын мақұлдады. Бұл туралы Мәжілістің баспасөз қызметі хабарлады.
Қазақстанның цифрлық даму, Қорғаныс және аэроғарыш өнеркәсібі министрі Асқар Жұмағалиев төртінші хаттамаға 2017 жылдың қараша айында Минскіде қол қойылғанын айтты.
Әскери ведомство басшысы атап өткендей,бұл хаттама ҰҚШҰ елдері арасындағы әскери-техникалық ынтымақтастық қағидаттарын жетілдіруге және жемісті серіктестік үшін қолайлы жағдай жасауға бағытталған.
Мәжіліс бейінді комитетінің қорытындысында осы хаттамаға толықтыру енгізіледі, ол бойынша әскери өнімнің бағасы жеткізуші елдің ұлттық заңнамасына сәйкес қалыптастырылатын болады.
Сондай-ақ, келісім ұлттық Қарулы Күштер, басқа да әскерлер, әскери құрылымдар мен құқық қорғау органдары сатып алатын осы өнімге баға белгілеуді реттейді.
